Cümə , 20 İyul 2018

Home » Manset » İlham Əliyev xalqı təbrik etdi – VİDEO

İlham Əliyev xalqı təbrik etdi – VİDEO

İyun 13, 2018 7:13 pm Bölmə: Manset, Siyasət, Video A+ / A-

ilheliyevPrezident İlham Əliyev Azərbaycan xalqını Ramazan bayramı münasibətilə təbrik edib.

Veten-tv.Az xəbər verir ki, təbrikdə deyilir:

“Hörmətli həmvətənlər! Müqəddəs Ramazan bayramı münasibətilə sizi və dünyanın müxtəlif guşələrində yaşayan bütün soydaşlarımızı ürəkdən təbrik edir, hər birinizə ən səmimi arzu və diləklərimi yetirirəm.

İlahi hikmətlər xəzinəsi Qurani-Kərim “on bir ayın sultanı” sayılan mübarək Ramazan ayında nazil olmuşdur. Müsəlmanlar bu ayda Uca Yaradan qarşısında vicdani borcunu yerinə yetirmək fürsəti əldə edir, mənəvi-ruhi kamilliyin nəfs üzərində qələbə sevincini yaşayırlar.

Orucluq mərasimləri hər il cəmiyyətimizdə humanizmin, birlik və bərabərliyin təntənəsinə çevrilir. Bu mübarək ayda xalqımızın və dövlətimizin əmin-amanlığı və tərəqqisi naminə edilən bütün dua və diləklərlə həmrəy olduğumu bildirir, Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının xatirəsini minnətdarlıqla yad edirəm.

Əlamətdar haldır ki, builki Ramazan günləri müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaradılmasının 100 illik yubiley təntənələri ilə bir vaxta təsadüf edir.

Müstəqil dövlətçiliyimizin bərpasından sonra ölkədə mütərəqqi İslami dəyərlərin bərqərar edilməsi cəmiyyətimizin mənəvi-əxlaqi yüksəlişinə təkan verib, öz milli köklərinə daim sadiq qalan xalqımızın bütövlüyünü, vəhdətini və həmrəyliyini daha da gücləndirib.

Bu gün dövlət müstəqilliyimizin möhkəmləndirilməsi uğrunda Azərbaycanın oğul və qızlarının sarsılmaz mübarizə əzmi və yüksək vətənpərvərliyi tarixi ənənəyə və milli-mənəvi dəyərlərə bağlılığın bariz nümunəsidir.

Əziz bacı və qardaşlarım!

Könül xoşluğu ilə yola saldığımız Ramazan ayı artıq başa çatır. Bu əziz bayram günlərində bir daha etdiyiniz dua və niyyətlərin Ulu Tanrı dərgahında qəbul olunmasını arzu edir, ailələrinizə xoşbəxtlik, süfrələrinizə xeyir-bərəkət diləyirəm.

Ramazan bayramınız mübarək olsun!”

 

Paylaş:


Daha tez məlumatlanmaq üçün Facebook səhifəmizi


İlham Əliyev xalqı təbrik etdi – VİDEO Reviewed by on . Prezident İlham Əliyev Azərbaycan xalqını Ramazan bayramı münasibətilə təbrik edib. Veten-tv.Az xəbər verir ki, təbrikdə deyilir: “Hörmətli həmvətənlər! Müqəddə Prezident İlham Əliyev Azərbaycan xalqını Ramazan bayramı münasibətilə təbrik edib. Veten-tv.Az xəbər verir ki, təbrikdə deyilir: “Hörmətli həmvətənlər! Müqəddə Rating: 0
Smiley face
scroll to top